Baat “Deepak” ki shaks vahi samaj payega
Jo dil se royega aur hothon se muskurayega

 

 

 

Pehli Nazam

NAZAM    1 - 2 - 3 - 4 - 5

 

Main bhi chahta hun ki husn pe  gazale likhun
Main bhi chahta hun ki ishk ke nagme  gaun
Apane khovabon me utarun ekhasina paikar 
Sukhan ko apane marmari laphjon se sajaun 

Lekin bhukh ke mare ,jard bebas  chehron pe
Nigahn tikti hai to josh kaphur ho jata  hai
Har taraf  hakiqat  me aur kya me tasbur me
Phakat roti ka shval ubhar kar aata hai 

Khyal aata hai jehan me un darvajon ka
Sharm se jinme chhipe haijavan  badan kitane
Jinke tan ko dhake hai hath bharkee katran
Jinke seene me daphan   hai  , jane   arman kitne  .

Jinkee   dolee  nahee  uthee  is  khatir  kyoonki
Unke   ma -  bap  ne  sirph   sharaphat   kee   kamaee  hai
Choolha  ek  bar  hee   jla  ho  ghar   me  lekin 
Mehnat  kee  khayee  hai , mehanet kee  khilaee  hai  .

Najar   me  ghoomtee  hai  shakl   un  masumo  kee
Jindgee   jinkee  andhera  ,  nigah  samundar  hai ,
Beeran   sanse  , peep  se bhree  ,  dhansee   aankhen
Phakon  ka pet  me  chalta    tej  khanjar  hai  .

Ma  kee  chhatee  se chipkane    kee  umar  hai  jinkee 
Hath phailaye   vahee  rahon  pe najar  aate  hai
Shobhit    jin  hathon  me  honee  thee  kalmen
Hath  vo  hee  bojh uthate  najar   aate hai   .

Rah  me  ghoomte  berojgar  naujvanon   ko 
Dekhta   hoon  to  kaleja  cheekh  uthta   hai
Jinake   dam   se  kam roshan  jahan  hona  tha
Unhee   ke  samne  kala  dhunaa   sa uthta  hai  .

Phir   kaho  kis  tarah   husn   ke  nagmen   gaoon
Phir   kaho kis   tarah   ishk    pe  gajle   likkhoon
Phir   kaho  kis  tarah      apane     sukhan   me
Marmaree   laphjo    ke   vasto    jagah    rakkhoon  .

Aaj  sansar  me  gam  ek   nahee  hajaron   hai
Aadmee     har   dukh   pe  to  aansoo   baha  nahee  sakta  .
Lekin   sach   hai  ki   bhookhe   honth   hansege   sirph  rotee   se
Meethe   alphaj   se   koee  man  bahla nahee   sakta  .