Chalo   aaj   se    ek   nai   misaal   ban  jaayen
Jo     zultmat   hain   unki   mashaal   ban jaayen
Zehan    chubhte    hain   hum   kaanto  ki     tarh
Kasam le unke humnafas, humkhayal ban jaayen

 

 

 

Khalish

    Next >>

 

Kaanton ki chubhan ka to mudawa hai
Baton ki Khalish ka illaj nahi hota
Zakhm – zismaani toh waqt khud bhar deta hai
Ruhani tadap ka koi raahat nawaz nahi hota .

Humen duniya ne diya kya aur liya kaise
Humnaam farebi hai ise Khalish nahi kehte
Jahan par baat na bad paaye khudgarzi se aage
Khwahish kah dete hain oose Khalish nahi kahte .
Khalish ek aag hai jo sulagti rahti hai
Jism aur jaan se oothta rahta hai dhunaan sa
Baichaini, talkhiyan tairti rahti hain lahu ke sang
Teesta rahta hai ek koi waqiya adhura saa .

Gairat bhi zaroori hai ahsaas ki khatir
Mahsoos har kisi dil mein khalish nahi hoti
Faans ek chubhti si rahti hai rooh ke bheetar

Mohabbat se Khalish ki parwarish nahi hoti

.