Teesra Geet

Ek panaghat  par  jane  kaise
Maan  veena  ke   tar  bol uthe
Anjan  saaj  par   swar  mere
Jane  kab  svatah  dol  uthe .

Main chakit  bhramit sha khada - khada
Naye geet  , naye rag gata raha
Taan se maan  dheere nikal pada 
Main khada - khada muskata  raha .
Vo  anjanebegane  se swar
Jeevan me  amrit   ghol uthe
Anjane  saj par   swar   mere 
Jane kab svatah dole  uthe.

Pratah kiran ban gayi chandrika
Divs  bhi  thakkar  chur  ho gaya
Nabh -dhara ke pas aa gaya
Par mai jaag se dur ho  gaya .
Aankho  me  liye  ek  chavi  saloni
Main  avichal  panghat par  baitha  rha
hridye  mein  liye  swapan  kotti   umang
Jaag  se  hans - hans  kar  kahata  raha
Tere  beete   pal   bahumoolye  uthe honge
Par mere pal   anmol  uthe .
Anjan  saaj par  swar   mere
Jane  kab  svatah  dol  uthe .

Ab  pachhtava kyon ruka  wahan  main
Kyon sapno ke  jhule jhul aaya  hoon
Us  saye me sukh  chain  hi nahi
lagata  hai  jeevan  bhul aaya  hoon
Jag   lagta  ab  suna -suna   sa.

Sab  kuchh   neeras  sa  lagata  hai
Hansate   gate  logon  ko  dekh    ab
Ab mujhako   acharaj   sa  lgata  hai .
Main  davar  - davar  deta  yon  sankal
Jane  vo  hi   davar  khol  uthe
Anjan  saj  par svar  mere
Jane  kab svataha dole uthe .