Neend mein doobe hain lochan
Par hai Hridaye me Geet tera
Pooran yovan par nishi hai
Dur hai abhi bahut sawera
Is kadar priye smriti tumhari
Kar rahi hai vyakul mujhe
Aata hai rah -rah hiye main
Pran ! mai tumko pukaru.
Dhmniyon me kya , kya ragon me
Kya shwas me , kya drigon me
Kya mere uar spandano me
Aur kya nirjeev nakho me
Ragini koi ga raha hai
Madira si chalka raha hai
Dub kar jiske mad me
Ang - pratyang mera ga raha hai
Samne rakha chavi tumhari
Pran ! mai umar bhar niharun.
Dhyan ki jab shrankhala kabhi
Tut jatee hai achanak
Jab chhoth jate hai akasmat
Khayal ke smast manak
Dekhta hun mere adhar tab
Jane kyon muskura rahe hai
Nayan bhi n jane kyun mere
Taron se jhilmila rahe hai
Maan jane kyun jhoom raha hai
Taan kyon jane naach raha hai
Chikkar astitva ka mere
Rom-rom yhe vaach raha hai
Ban kar mai pratibimb tera
Pran ! mai zindagi apni savarun.