Chauthi Kavita

 

Ek satth  varshiye netraheen vyakti
Jo shayad rasta  bhool gaya   tha 
Ek sunsan  Sadak par  akela chala ja rha  tha 
Raah me  khadi ek deewar par  chhadi lagakar bola
Kya  aas -pas  koi  hai  ?
Paas  me upasthit nari ne kaha - baba kha jana hai
Netrheen  vyakti bola beti gali  no.-7 ka rasta bata  do
Agar ho  ake to  mord tak  hi   pauncha do .

 

Tabhi  pass ki  masjid pe khade ek Muslim rehnuma ki
Is  vakiye pe, painee  nazar padee.
wehe neta  chillaya - kafir ! Muslim ladkI ko chedta hai
Akela dekhkar rasta rokta hai .

BUs Zara sI der me sadken khun se lal thee 
Shehar me dekhte  hi  goli marneke aadesh the 
Kyunki Shehar me mazahbi tufan uth chuka tha 
Bhavnao ka kaum se gla ghut chuka  tha . 

Mandir tode  ja rahe the ,mazjide ukhadi ja rahi thi
Insano dvara insan ki shakle bigadi  ja  rahi thi
Dono dhrmo ki alag aayojit  sbhayen ho  rahi thi 
Kisko marna hai ki chalen niyojit ho rahi  thi.

Us Neta ka Ghar to daulat se talab ho gaya tha 
Par Shehar me lashon  ko ginna  behisab ho  gaya  tha
Har taraf se zakhmiyo ki kraha aa rahi  thi
Unme us  netraheen ki bhi sada aa rahi thi
waha dua thi, shikayat  thi , ya shukriya tha
Shor me ye to samajh  nahi aa raha  tha 
Par bar-bar wo yahi kahe ja raha tha
Acha hua bhagvan jo tune  mujhe aankhe nahi dee
Isse acha  to  ye hota  ki kan bhi n deta
Taki mai, bhavnaon ki  krahen to n sun pata
Bevajah marne walo ki  aahen to  n sun pata .

Ant  me dono hathon ko milakar , wo bola chillakar 
Sabko  bhala kar  prabhu , tu sabka bhla  kar .