Doosra Geet

 

Sagar ke tat par ret ke maine or tumne
Jo gharonde sneh ke banaye the kabhi
Nayano me apani kalapanao ke 'Deepak'
Sath milkar jis jagah jalaye the kabhi .
Ab vaha kuch bhi najar aata nahi
Bas tutti lehron ke saye dikhate hain .

Kuch pathik , kuch lehron ke kadmo tale
Swapan sare ret hi ret mein mil gaye
Raund kar ghar niradai pag ke karavan
Kafilo ke roop dhar door nikal gaye .
Geet koi manjhi ab vahan gata nahi
Bas hridaye tadapata hai ashru chikhte hain .

Ab nahi vo atahkheliya jiski fija mein
Aavaj meri aarju ki gunjanti thi
Ab nahi vaha lagate mele chuhel ke
Zindagi kal befiker si jahan ghumati thi .
Ab paun lahero mein vaha koi bhigota nahi
Bas lahere takarati hain aur pathar bhigate hain .

Dastakhat bhi khamosh se ujade se khade hain
Chhav me jinki kabhi baithe the hum tum
Gash jo chubhati thi badan mein makhamal-si
Ab aankh band karke vaha khadi hai gumsum
Tinka koi tod ke munh mein rakhata nahi
Bas sina us jagah ke pair rondate hain .