Chauthi Nazam

 

Itna khud ko maine kabhi tanha nahi dekha
Itna khud ko maine kabhi tanha nahi paya.
Dilo - dimag nakam ho gaye hai is kadar
Kahi par jism, kahi par dikhata saya.

Ek khalish si jehan mein sir uthati hain
Bewajah aankh kabhi khud hi nam ho jati hai.
Kabhi badh jati hai lahu ki ravani jism mein
Aur kabhi nabaj ek dam hi dub jati hai.
Dhundale saye kabhi itne najar aate har shun
Dekhana khud ko gar chaha to dekh nahi paya.

Sochta hun kuch to or tasabbur hota hai
Man pal mein shad aur pal mein chur - chur hota hai
Kabhi lagata hai koi bahut hi karib hai mere
Aur kabhi khud hi se hi mera saya dur hota hai.

Jane kitani aisi tabadiliyan mujhme
Aati hai aur ek naksh chhod jati hain
Ek lambi rah ke sunshan mod par
Mujhko ak bhateke mushaphir - sa chod jati hain.

Shochata hun kahi ye meri aadat to nahi
Meri hasti ya  meri phitarat to nahi
Ya phir soi hui tamanao ne karavat li hai
Ya kisi ki chahat to nahi, mujhe mohabbat to nahi.